ଶାଗକୁ ସତେଜ ରଖିବାର ଉପାୟ
ପନିପରିବା, ଫଳମୂଳ ସତେଜ ଖାଇଲେ ହିଁ ତା’ର ପୋଷକତତ୍ତ୍ବ ଶରୀରକୁ ଭଲଭାବେ ମିଳେ। ବିଶେଷକରି ଶାଗକୁ ଗୋଟିଏ ଦିନ ମଧ୍ୟ ଫ୍ରିଜ୍ରେ ରଖିଲେ, ତା’ର ଗୁଣବତ୍ତା କମ୍ ହୁଏ। ଆଜିକାଲିର ଧାଁଧଉଡ଼ ଜୀବନଶୈଳୀରେ କର୍ମଜୀବୀ ମହିଳା ଅଧିକାଂଶ ସମୟରେ ପନିପରିବାକୁ ଫ୍ରିଜ୍ରେ ରଖିବାକୁ ଗୁରୁତ୍ବ ଦେଉଛନ୍ତି। ଶାଗକୁ ୩-୪ଦିନ ସତେଜ ରଖିବାକୁ ଚାହୁଁଥିଲେ, ପ୍ରଥମେ ଭଲରେ ଧୋଇନେବେ। ସେଥିରୁ ମାଟି ବାହାରିଯିବା ପରେ ଏକ ଶୁଖିଲା କପଡ଼ା ଉପରେ ଶାଗକୁ ବିଛାଇନେବେ। ଫ୍ୟାନ୍ ତଳେ ଶାଗକୁ ଏପରି ରଖିଲେ ଶୀଘ୍ର ଶୁଖିଯାଏ, ଏବେ ଶାଗକୁ ଟିସୁ ପେପରରେ ଭଲଭାବେ ଗୁଡ଼ାଇ ଏୟାର୍ ଟାଇଟ୍ ଡବାରେ ୩-୪ଦିନ ରଖିପାରିବେ। ଏଇ ଉପାୟରେ ଶାଗ ସତେଜ ରହିଲେ ମଧ୍ୟ ତା’ର ପୋଷକତତ୍ତ୍ବ କମିଯାଏ।
– ଆଣ୍ଟିଅକ୍ସିଡାଣ୍ଟ ଭରପୂର ଶାଗକୁ ଫଳ କିମ୍ବା ଅନ୍ୟ ପରିବା ସହ ମିଶାଇ ଫ୍ରିଜ୍ରେ ରଖିଲେ ତାହା ଶୀଘ୍ର ଖରାପ ହୁଏ।
– ହୃଦ୍ରୋଗୀ, ମଧୁମେହ ତଥା ରକ୍ତଚାପ ରୋଗୀ ମେଥି ଶାଗ, ସୋରିଷ ଶାଗ ସପ୍ତାହରେ ୨-୩ଥ ର ଖାଇବା ସେମାନଙ୍କ ସ୍ବାସ୍ଥ୍ୟ ପାଇଁ ଭଲ। ଶୀତଦିନେ ମେଥି ଶାଗ ପରଟା ରାତିରେ ଖାଇଲେ ଶରୀରକୁ ଆବଶ୍ୟକ ପରିମାଣର ଶକ୍ତି ମିଳେ।
– ଆଖିର ଜ୍ୟୋତି ବଢ଼ାଇବା ସହ କେଶ ମୂଳକୁ ମଧ୍ୟ ଶାଗ ଶକ୍ତି ଯୋଗାଏ। ପିଲାଠାରୁ ବୟସ୍କ ସମସ୍ତେ ଶାଗ ପ୍ରତିଦିନ ଖାଇବା ଭଲ।
– ଶାଗକୁ ଫ୍ରିଜ୍ରେ ପ୍ଲାଷ୍ଟିକ୍ ଥଳିରେ ରଖନ୍ତୁନାହିଁ, ଏପରି କଲେ ଶାଗ ବିଷାକ୍ତ ହେବାର ଭୟ ରହିଛି।
No comments