କରୋନାକୁ ହରାଇଲେ ୧୦୦ବର୍ଷ ବୃଦ୍ଧା: ସୁସ୍ଥ ହେବା ପରେ ଡାକ୍ତର ଓ ନର୍ସ ମଧ୍ୟରେ ‌ଖେଳି ଗଲା ଖୁସି

ଗୌହ୍ବାଟି: ଗୌହ୍ବାଟିରେ ଜଣେ ୧୦୦ ବର୍ଷ ବୟସ୍କା ମହିଳା କରୋନା ଯୁଦ୍ଧରେ ଜିତି ଯାଇଛନ୍ତି। ବୃଦ୍ଧଙ୍କ ବୟସ ଅଧିକ ଥିବା ହେତୁ କରୋନାରେ ସଂକ୍ରମିତ ହେବା ପରେ ତାଙ୍କ ଜୀବନ ବଞ୍ଚାଇବା ଅସମ୍ଭବ ଥିଲା । ଏଥିସହିତ ବୃଦ୍ଧଙ୍କ ମନରେ ସକାରାତ୍ମକ ଚିନ୍ତାଧାରା ଅଧିକ ଥିବାରୁ ସେ ଏଭଳି ପରିଣତ ବୟସରେ କରୋନାକୁ ହରାଇ ପାରିଥିଲେ ବୋଲି ତାଙ୍କୁ ଚିକିତ୍ସା କରୁଥିବା ଡାକ୍ତର କହିଛନ୍ତି।

ଆସାମରେ କୋଭିଡ -୧୯ରେ ସଂକ୍ରମିତ ହୋଇଥିବା ମାଇ ହାଣ୍ଡିକ୍ ହେଉଛନ୍ତି ସବୁଠାରୁ ଅଧିକ ବୟସ୍କ କରୋନା ସଂକ୍ରମିତ ରୋଗୀ। କରୋନାରେ ସଂକ୍ରମିତ ହୋଇ ସୁସ୍ଥ ହେବାପରେ ହାଣ୍ଡିକଙ୍କୁ ଗତ ବୁଧବାର ଗୌହ୍ବାଟିର ମହେନ୍ଦ୍ର ମୋହନ ଚୌଧୁରୀ ଡାକ୍ତରଖାନାରୁ ଡିସଚାର୍ଜ କରି ଦିଆଯାଇଛି।

ମଦର୍ସ ଓଲଡ ଏଜରେ ରହୁଥିବା ବୃଦ୍ଧାଙ୍କ କରୋନା ଜୀବାଣୁ ଚିହ୍ନଟ ହେବା ପରେ ଦଶ ଦିନ ପୂର୍ବରୁ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଚିକିତ୍ସା ପରେ ଡାକ୍ତରଖାନାରୁ ଡିସଚାର୍ଜ ହେବା ପୂର୍ବରୁ ତାଙ୍କୁ ଚିକିତ୍ସା କରୁଥିବା ଡାକ୍ତର ଏବଂ ନର୍ସମାନେ ଉତ୍ସବ ପାଳନ କରିଥିଲେ, ଯେଉଁଥିରେ ହାଣ୍ଡିକ୍ ଅନେକ ଆସାମ ଗୀତ ଗାଇଥିବା ଶୁଣିବାକୁ ବି ମିଳୁଛି।

 

MMCH Covid Hospital

“It’s hard to beat a person who never gives up.”
A 100-year-old woman Mai Handique, recovered from #Covid19.
Nothing can stop our hardworking #CovidWarrior from winning the war against #COVID19.#AssamFightsCorona@PomiBaruah @nhm_assam pic.twitter.com/zGqSFvACZK

— Assam Covid Care Centers (@AssamCovid) September 16, 2020

ହାଣ୍ଡିକ୍ କହିଛନ୍ତି।, ଡାକ୍ତର ଏବଂ ନର୍ସମାନେ ତାଙ୍କର ବହୁତ ଯତ୍ନ ନେଇଛନ୍ତି। ଏଥିସହ ସେ ସ୍ୱାସ୍ଥ୍ୟମନ୍ତ୍ରୀ ହିମନ୍ତ ବିଶ୍ୱ ସରମାଙ୍କୁ ମଧ୍ୟ ପ୍ରଶଂସା କରିଛନ୍ତି। ମଦର୍ସ ଓଲଡ ଏଜରେ ରହୁଥିବା ୧୨ ଜଣ କୋଭିଡ -୧୯ ରେ ସଂକ୍ରମିତ ଥିବା ଜଣାପଡ଼ିଥିଲା। ଏହାପରେ ସମସ୍ତଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି। ସୁସ୍ଥ ହେବା ପରେ ୧୨ଜଣଙ୍କ ମଧ୍ୟରୁ ପାଞ୍ଚ ଜଣଙ୍କୁ ଡାକ୍ତରଖାନାରୁ ଡିସଚାର୍ଜ କରି ଦିଆଯାଇଛି।
.